Henrik Have er deyður
/Í dag komu deyðsboðini av danska myndlistamanninum og høvundanum Henrik Have, sum var 68 ár nú hann doyði eftir drúgva sjúkralegu. Hann var ein listarlig eldsál, ið arbeiddi við málningum, standmyndum, yrkingum og bókaútgávu. Hann var sjálvlærdur listamaður og limur í listabólkinum Decembristerne. Henrik Have fekk lívslongu veitingina frá Statens Kunstfond. Hann var maðurin handan forlagið After Hand, sum m.a. hevur givið út fimm bøkur hjá Tóroddi Poulsen. Bæði myndlist og yrkingar hava støði í avantgardismuni og seinnu árini hevur hann arbeitt nógv við at sameina myndir og tekst.