Edward Fuglø 50 ár
/Mynd: Miriam & Janus
Í dag fyllir listamaðurin Edward Fuglø 50 ár. Listamaðurin býr og arbeiðir í føðibýnum, Klaksvík og hevur seinastu árini gjørt eina rúgvu av prýðingum bæði norðanfyri og í Havn og uttanlands. Edward Fuglø er sera fjølbroyttur listamaður, hann málar, teknar, ger installatiónir, barnabøkur, frímerki og scenografi og seinastu árini hevur hann fingið rættiliga nógvar prýðingsuppgávur í forhøllini á Landssjúkrahúsinum, í Skúlanum við Løgmannabreyt, í kjallaranum í Christianskirkjuni fyri bert at nevna nakrar. Hansara myndir eru eisini í fleiri førum brúktar sum almennar gávur til Margretu drottning og til Norðatlantiska Húsið í Odense. Edward Fuglø hevur fingið Barnamentanarheiðursløn Tórshavnar Býráðs, Nordisk Børnebogspris og Listavirðisløn Nólsoyar Páls. Hann sýnir í løtuni fram installatiónina SunMoonShadow í SMS. Í Jyllandsposten hevur ummælarin Lars Ole Knippel skrivað eina portrettgrein í sambandi við føðingardagin.