Dennis Agerblad við í danskari talentkapping
/
Dennis Agerblad Band er sloppið víðari í “Danmark har Talent”, ið er ein ógvuliga breið talentkapping, sum TV2 fyriskipar. Dennis Agerblad eitur Robin Ova Tolfsen, hann er Vestmenningur, ein av okkara mest sermerktu og áhugaverdu listafólkum, sum í mong ár hevur búleikast í Keypmannahavn. Hann hevur fleiri ferðir verið við á framsýningum í Listasavninum, t.d. Várframsýningum og Ólavsøkuframsýningum. Listarliga arbeiðir hann m.a. við performance og dyrkar tað ekstrema, tað ljóta, meiningsleysa, ótilpassaða og stuttliga og so er hann krossdressari ella trash drag queen. Nú fáa vit at síggja hvussu tað gongur - fyribils er her eitt lítið brot frá TV2 – góða eydnu, Dennis Agerblad.