Faroese Psycho
/Mynd: Daniella Andreasen lesur upp á tiltakinum HOYMA
Vikuyrkingina í Dimmalætting hesa vikuna skrivaði Daniella Andreasen. Tíverri er øll yrkingin ikki komin við í blaðið, soleiðis sær hon út í síni heild.
Hann fer út úr húsinum
setur seg inn í bilin
steðgar uttan fyri arbeiðsplássið
Rættar upp á slipsið
Fer skjótt ígjøgnum hárið
við fingrunum
Justerar bakkspeglið
Fer úr bilinum
inn í bygningin
inn í elevatorin
inn á kontórið
setur seg á kontórstólin
Rættar upp á slipsið
Undirskrivar dokumentir
Tosar í telefon
Tekur í hendur á fólki
tá tey koma og fara
Takkar fyri
Smílist - smáflennir
Suffar
Fleygar sær til tað sama pornoklippið
Blakar serviettin í spannina
Vaskar hendur
Rættar upp á slipsið
Fer á føtur
úr kontórinum
inn í elevatorin
úr bygningingum
inn í bilin
Stillar p-skivuna
ein tíma fram
Rættar upp á slipsið
Klappar, syngur, tárar
hálovar
fyrigevst
Rættar upp á slipsið
Setur bilin uttan fyri SMS
ella Bank Nordik
ella Hvonn
Heilsar upp á fólk
Smáprátar
Gremur seg
saman við teimum
um regn og keðiligt veður
og vánalig parkeringsviðurskifti
Hann fer úr SMS
ella Bank Nordik
ella Hvonn
og inn í bilin
Koyrir
blinkar til vinstru
tendrar Kiss Fm
vinkar til fólk
í øðrum bilum
Steðgar við eina bensinstøð
Rættar upp á slipsið
Fer úr bilinum
Heilsar
Fyllir á
Rættar upp á slipsið
Fer inn at betala
Koyrir
Parkerar
Tekur okkurt skrell upp
úr túninum
sum vindurin hevur
lagt har
Rættar uppá slipsið
Fer inn í húsini
og stongir aftan á sær