Marius Olsen sýnir fram í Steinprenti

Fríggjadagin 9.juli klokkan 16-18 letur framsýning upp við spildurnýggjum steinprentum og linoprentum hjá Mariusi Olsen í Steinprenti. Fýra seinastu vikurnar hevur Marius arbeitt á grafiska verkstaðnum í Østrøm á Skálatrøð og fleiri av úrslitunum verða við á framsýningini, m.a. ein vøkur, náttúruromantisk mynd av einum lítlum ryggvendum persóni, sum sæst í siluett, har hann stendur í sterkum mótljósi á einum mola og hyggur út í endaleysa myndarúmið. Turkisblái liturin er ótrúliga intensur upp móti táminum, sum í roynd og veru als ikki er grátt, sum mann kundi hildið, men meira rosa og ljóst – umframt at vera ein grafiskur meistari, er Marius Olsen eisini føddur kolorist. Í einari aðrari náttúrulýsing eru komplementerlitirnir blátt og appilsingult settir saman í einum avbrigdi av einum myndevni, sum listamaðurin hevur brúkt óteljandi ferð. Tað er í Hørg í Nólsoy, har hann búleikaðist eitt tíðarskeið. Vakra bláskygda landslagið verður innrammað av eini appilsingulari rammu, sum bæði  tendrar í bláa litin, men sum eisini skapar áhugaverda frástøðu millum áskoðaran og landslagið. Hendan dagin, eg heilsi uppá listamannin í Steinprenti, hongur ein vøkur rektanguler rond av fløggum á einum prenti á vegginum, ið minnir um framúrskarandi verkið Flaggstong, sum Marius Olsen gjørdi í 1994. Eg forvitnist og spyrji hvat hetta er fyri nakað og Marius greiðir frá, at hetta nýggja verkið í gerð í roynd og veru er grundað á hugskot í gamla prentinum og at tað nýggja verður gjørt í samstarvi við Bjarne Werner Sørensen, sum hevur prentað fløggini. – Hetta eru fløgg hjá londum uttan fult sjálvræði, greiðir Marius frá og sigur mær síðani søguna um hvussu hugskotið til ta fyrstu flaggmyndina kom. Tað var ein dagin, hann gekk úti spákaði og brádliga mundi traðkað á eina bók. Hann tók hana upp, tað vísti seg at vera ein gomul lítil lummabók, sum innaní hevði hópin av flaggmyndum. Eg hugsi, at øll tey, sum eru um miðjan aldur og eldri munu minnast tílíkar lummabøkur, sum áðrenn altjóðagerð og internet góvu okkum ein spennandi varhuga av stóru verð. Marius varð eisini hugtikin av litríku fløggunum og brúkti tey fyrst í eini lítlari kollasju/monoprenti í 1992 og síðani í linoprentinum Flaggstong í 1994, sum er eitt framúrskarandi høvuðsverk í føroyskari listasøgu. Tað er ikki bert tað estetiska, sum tað snýr seg um, tó at teir vøkru og grafiskt greiðu flagglitirnir hugtaka listamannin. Men hann hevur somuleiðis áhuga fyri tí politiska, tjóðskaparliga, ið júst verður problematiserað í áðurnevndu flaggmyndum frá truplu árunum eftir føroysku fíggjarkreppuna. Tað verður spennandi at síggja hvussu listamaðurin hevur dagført myndevnið í sínum nýggja prenti. Øll eru vælkomin til upplatingina og at heilsa uppá listamannin.

Fredag 9.juli kl. 16-18 åbner der en udstilling med nye litografier og linoleumssnit af Marius Olsen i Steinprent i Tórshavn. De fire sidste uger har den færøske billedkunstner, der er bosat i Finland, arbejdet på det grafiske værksted og flere af resultaterne kan ses på udstillingen, bl.a. et skønt naturromantisk billede af en lille rygvendt person i silhuet, der står i stærkt modlys på en lille mole og skuer ud mod endeløsheden. Den turkisblå farve er utrolig intens op imod den tynde dis, der faktisk ikke er grå, men som funkler i rosa nuancer. Ud over at være en mester udi den grafiske forenklings kunst, er Marius Olsen nemlig også født kolorist. I et andet landskabsbillede kommer de to komplementære farver, blåt og orange, sammen i en variant af et motiv, som kunstneren har brugt utallige gange og som er en lokalitet i Hørg i Nólsoy, hvor kunstneren boede en periode. Det fine blå landskab indrammes af orange, der både tænder den blå farve, men som også skaber en slags afstand imellem landskab og beskuer. Jeg hilste på kunstneren i sidste uge og så hans foreløbige resultater på værkstedet. Her blev jeg opmærksom på et ufærdigt tryk med en rektangulær rand med farvestrålende flag, der hang på væggen og mindede mig om hovedværket, Flagstang fra 1994. Marius bekræftede, at det nye tryk rent faktisk bygger på idéer i det gamle tryk og at det bliver fremstillet i samarbejde med Bjarne Werner Sørensen, der har trykt flagdelen. Midterdelen skal trykkes i Steinprent. - Det er flag fra lande uden fuld selvstændighed, forklarer Marius og fortæller siden historien om hvordan idéen til det første flagbillede kom. Det var en dag, han var ude at gå, at han tilfældigt så en bog på vejen. Han tog den op og den viste sig at være en gammel lille lommebog, som indeni havde en masse flagsymboler. Jeg tænker, at de fleste, der er midaldrende og ældre kan huske sådanne lommebøger, der før globalisering og internet var de første til at give os en fornemmelse af den store verden. Marius var fascineret af de farverige flag og brugte dem først i en lille collage/monotryk i 1992 og siden i linoleumstrykket Flagstang fra 1994. Selv om de flotte og grafisk klare flagfarver fascinerer billedkunstneren, er der andet og mere på spil for kunstneren end det rent æstetiske. Han er også interesseret i det politiske, nationale, som netop bliver problematiseret i førnævnte flagbilleder fra de vanskelige år efter den store finanskrise på Færøerne. Det bliver spændende at se en opdateret version af billedet på udstillingen på fredag, hvor man også kan hilse på kunstneren.

Kinna Poulsen

Flaggstong á Listasavni Føroya