Land í eygsjón – norska vikan í Norðurlandahúsinum
/
Norskur listamaður biður allar føroyingar um hjálp
Norski listamaðurin, Lars Kjemphol, heitur í hesum filminum á allar føroyingar at hjálpa sær við framsýningini í Norðurlandahúsinum 3. - 6. februar.
Hann er við á norsku vikuni í Norðurlandshúsinum 6. - 14. februar.
Lars Kjemphol skapar flestu av sínum framsýningum improviseraðar á staðnum meðan áskoðararnir síggja listaverkið vaksa fram út ongum. Sostatt verða áskoðarar eygnavitni til listarligu tilgongdina.
Í sambandi við framsýningina í Norðurlandshúsinum fer Lars Kjemphol at skapað eina stóra installasjón í Klingruni, sum tekur áskoðaran og lutir sum áskoðarin eigur við í verkið. Listamaðurin fer at brúka staðbundið tilfar í sínum verki.
Tí heita vit á øll, sum kundu hugsa sær at sæð sínar egnu gomlu lutir endurnýttar í listini, um at lata listamanninum gamlar møblar, takplátur, toyrullur, lampuskermar, ein brúktan bát ella nakrar europallir. Ella okkurt graslíkisavlop. Til ber at koma við øllum millum himmal og jørð, jú størri tess betri og eru fleiri lutir av sama slagi eru allir kærkomnir.
Øll eru vælkomin at fylgja gongdini frá tóma gólvinum til lidna listaverkið.
Lars Kjemphol hevði eisini verið fegin, um onkur føroysk listafólk høvdu vilja verið við og hjálpt honum.
Alt tilfarið kann latast inn í Norðurlandahúsinum millum 26. januar og 3. feburar.