Julie Sass greiðir frá

julie25.jpg

Julie Sass, sum í løtuni hevur serframsýning í Steinprenti, greiðir frá sínum samstarvi við Steinprent í væl eydnaðum viðtali við Sissal Kampmann. Hyggið og hoyrið listakvinnuna tosa um sína list - tað er bæði torgreitt og fullkomiliga einfalt og ein sonn fragd at lurta eftir. Ein góð introduktión til framsýningina BLACK FOG RISING.

http://kvf.fo/25?sid=93251&fbclid=IwAR21RxQPYvL7vU7WKKu7LnIcMnGY26Zu1ys1b1Jo7q646LTl69c4U7sHq5U

Fríða fimmti

frida.jpg

Í dag, 9.apríl 2019 fyllir listakvinnan, grafikarin og steinprentarin, Fríða Matras Brekku hálvtrýss ár. Hon er útbúgvin frá Seminariet for håndværk og design í Nørre Sundby. Eisini er hon útbúgvin sum steinprentari og hevur hon í tjúgu ár staðið fyri virkseminum í Steinprenti saman við manni sínum, Jan Andersson.

Í hennara egnu list er tað ikki minst grafiska tøknið, ið liggur hennara hjarta nær, men grafisku myndirnar eru ofta baseraðar á foto, tekning og akvarel, sum Fríða Matras Brekku eisini fæst við og framsýnir. Myndirnar hjá Fríðu eru øðrvísi í mun til aðra føroyska samtíðarlist, tær bera frá teirri ekspressivu og abstraktu hevdini og hava eitt heldur stillisligt brá. Summar eru merktar av einum kvirrum, men poetiskt løddum tómleika, meðan aðrar tykjast fevndar av fjálgum skemti, t.d. djóralýsingarnar, sum Fríða hevur dyrkað - ikki minst seyðir. Hennara humoristisku portrettmyndir av teimum fýrbeintu eru væl umtóktar og til nógvan íblástur. Tær fínu laseringarnar og neyvleikin í hennara striku bera boð um eina dugnaliga listakvinnu, sum kennir og dugir sítt handverk til lítar. - Hjartaliga til lukku við føðingardegnum, Fríða.

Fríða.jpeg


BLACK FOG RISING - upplating

9AC721AB-6FF6-406F-94B8-76BA057C2875.jpg

Leygardagin 30. mars læt framsýningin BLACK FOG RISING hjá Julie Sass upp í Steinprenti. Ein spennandi framsýning við abstraktum málningum, prentum og tekningum, sum broytir uppá hølisumstøðurnar í gallarínum. Tað er hugtakandi at síggja hvussu uppsetingin hongur saman við bygnaðinum í teimum einstøku verkunum og hvussu hesin samanhangur eisini gongur aftur í nýggja bókaverkinum, sum var lagt fram og sum er partur av framsýningini. Umframt tað stóra prentiarbeiðið, sum Julie Sass og Steinprent hava gjørt saman, hevur listakvinnan eisini tikið sær tíð til fleiri samrøður við m.a. Sissal Kampmann í Nón, eg seti nøkur leinki her og viðmæli øllum at fara í Steinprent at síggja bæði framsýning og bók. Framsýningin verður hangandi inntil 4.mai.

http://kvf.fo/non?sid=92802

https://artnorth-magazine.com/recent-arts-news/black-fog-rising

https://dimma.fo/black-fog-rising

http://www.listaportal.com/tidindi/2019/3/26/julie-sass-serframsning-steinprenti

8F8EF6B5-D4F0-4BEF-A0EE-A81269F5DFF4.jpg
3AB695EE-E4EB-41CF-AA22-04EE5961C37F.jpg
5662DD43-0459-475F-90A3-9E45E1236B61.jpg
2505E1FB-E0C1-48A8-AF7F-240B446B8192.jpg
96081A27-9046-4266-92C9-A92FE2E7923F.jpg
46931F71-A656-4308-BE9F-0359D61E348D.jpg
C51B5F5D-F827-4B3C-9BC8-F4876A73A5DE.jpeg





BLACK FOG RISING - Peformance collage

Julie Plakat.jpg

Julie Sass er í løtuni við at seta upp framsýning í Steinprenti, sum letur upp leygardagin 30.mars klokkan 15-17. Á framsýningini er m.a. ein spildurnýggj listafólkabók, sum Julie hevur gjørt í Steinprenti seinastu vikurnar. Umframt helioprent, steinprent, málningar, seymað verk og ljósinstallatión hevur Julie Sass eisini gjørt eina plakat, sum er ein sonevnd performancekollasja við fólkum, sum hava við Steinprent ella við listakvinnuna, við listina ella við framsýningina at gera. Tey eru: Hansina Iversen, Jan Andersson, Eyvind Akraberg Hansen, Magnus Vincent Andersson, Kinna Poulsen, Mathilde Anastasia Isabelle Rude, Randi Samsonsen, Louise Aakerman Nielsen, Fríða Matras Brekku og Dagmar Malena Winther.

Úr myrkrinum inn í ljósið á Tjóðpalli Føroya

0K5A1470.jpeg

Sunnukvøldið 7. apríl verður nýskrivaður føroyskur dramatikkur frumsýndur á Tjóðpallinum. ‘Leitanin eftir at vera’ byggir á egnar upplivingar hjá Katarinu Nolsøe og er ein dramatisk, skemtilig, álvarsom, sjálvironisk og lívsjáttandi frásøgn um longu ferðina aftur til gerandislívið eftir eina depressión. Søgd við teksti og tekningum hjá Katarinu Nolsøe, tónleiki og inniligum samanspæli millum Búa Dam og Gunnvá Zachariasen 

Katarina Nolsøe fekk í 2006 eina álvarsama depressión og varð fleiri ferðir innløgd á psykiatriska deplinum. Leikurin er hennara roynd at greiða frá bardaganum við sjúkuni og ferðini gjøgnum ótta og angist; ein søga um at koma fyri seg aftur og at læra seg at liva við sárinum. At koma frá einki at kunna, til aftur at skapa sær eina tilveru og at megna gleðina við lívinum.

Leikarar eru Gunnvá Zachariasen og Búi Egason Dam. Búi ger eisini tónleikin og er bæði tónleikari og sjónleikari á pallinum. Katarina Nolsøe hevur skrivað leikritið og hon leikstjórnar sjálv uppsetingini.

Í sambandi við frumframførsluna gevur Sprotin eisini út ‘Leitanin eftir at vera’ sum bók, ið fæst til keyps í sambandi við sýningarnar.

Høvundur, teknari og leikstjóri: Katarina Nolsøe

Gjørt til leik: Leikbólkurin

Tónleikur: Búi Egason Dam 


Leikarar: Gunnvá Zachariasen og Búi Egason Dam

Ljósdesign: Turpin Napoleon Djurhuus

Leitanin eftir at vera er framleiddur í samstarvi millum Katarinu Nolsøe, Sinnisbata og Tjóðpall Føroya.

Frumframførsla verður á Tjóðpallinum sunnudagin 7. apríl kl. 19.00.

Leitanin eftir at vera_kápa.jpeg

Julie Sass serframsýning í Steinprenti

julia.jpg

Leygardagin 30.mars kl.15-17 letur ein forvitnislig serframsýning hjá Julie Sass upp í Steinprenti við heitinum

BLACK FOG

RISING

Talan er um eina serstakliga fjølbroytta framsýning við heliografi, steinprentum, tekningum, málningum einum stórum seymaðum verki og eini ljósinstallatión umframt eini spildurnýggjari listafólkabók, sum hevur verið í gerð á grafiska verkstaðnum á Skálatrøð hesar seinastu 3 vikurnar. Gallaríið niðri undir í Steinprenti er bygt um til høvið - nakrir veggir eru settir upp til tess at skapa ta røttu arkitektonisku rammuna kring framsýningina. 

Hetta er fyrsta serframsýning hjá Julie Sass her á landi, men als ikki fyrstu ferð, listakvinnan ger vart við seg í føroyska listaumhvørvinum. Fyri seks árum síðani hevði hon sítt fyrsta arbeiðsuppihald í Steinprenti - tað var í sambandi við stóru verkætlanina, Grafisk Sambond, har dentur var lagdur á grafiska nýskapan. Síðani hevur hon arbeitt nógvar ferðir í Steinprenti og hevur m.a. fingið tvær framúrskarandi listafólkabøkur burturúr; Volume Rhythm Matter dialogues (2017) og Lemon Mood (2018). Báðar listafólkabøkurnar eru umboðaðar í savninum hjá Metropolitan Museum of Art og hava harumframt verið framsýndar nógva staðni.

Julie Sass hevur tikið lut á mongum framsýningum saman við m.a. føroyskum listafólkum t.d. á Summarframsýningini Frontal (saman við Hansinu Iversen, Rannvá Kunoy og Ian McKeever), eins og hon hevur samstarvað við føroysk listafólk eitt nú sum kurator. Hennara kuratering minnir onkursvegna um mátan, hon skapar bæði myndir og bøkur uppá. Talan er um eina støðuga prosess, har listakvinnan alla tíðina eygleiðir og noterar ymisk skap, sum hon sær. Hesi brúkar hon í tekningum og kollasjum, ið aftur kunnu brúkast sum fótafar í prentum, ið síðan skulu broytast og lagast til heildina, sum eisini er dynamisk og sum støðugt broytir skap saman við staklutunum. Málningarnir eru bygdir upp av fleiri løgum, ið bjóða áskoðaranum inn í eitt hálvgjøgnumskygt myndarúm við skapum, ið tykjast leys og óstøðug. Lutir eru stáplaðir og koppaðir og bíða eftir at verða bygdir upp aftur í einum hugvekjandi umhvørvi við kámum ljósi, har tú fært varhugan av, at staklutirnir støðugt spríkja fram fyri síðani at hvørva aftur.

Listabókin er full av tilsipingum og umskaringum til tilveruna, sum tað ikki ber til at fáa at rúmast í einum einstøkum málningi. Hetta er eyðkent fyri Julie Sass sum listakvinnu og hennara støðugu roynd at lata málningin upp við at taka hann sundur og síðani seta hann saman aftur. Í listabókini eru 16 heliografisk prent og 8 stuttir skaldsligir tekstir. Myndirnar eru býttar upp í kapitlar og tekstirnir koma at enda. Hetta formatið er eitt framhald av tí, vit sóu í Lemon Mood, men nú er teksturin at kalla abstraktur við ókendum persónum, sum eru staddir í ókendum støðum. Kynini verða blandað; hann/hon skiftir á ómerkjandi hátt yvir í eitt vit. Tað snýr seg um okkum menniskju og um vanligar og gerandisligar eygleiðingar, ið umskarast við sansaligar upplivingar.

Øll eru hjartaliga vælkomin til upplatingina í Steinprenti 30.mars kl.15-17 og at síggja framsýningina, ið verður hangandi til 4.mai í ár.


Aftur í landslagið - Anker Mortensen á Norðurbryggjuni

5054F8EB-AB6B-47D7-B496-03F891C053BC.jpg

Treysti angin av turrum fiski, tvøsti og spiki gav løtuni heimligan dám á Norðurbryggjuni í Keypmannahavn, har stúgvandi fullt av fólkum høvdu leitað sær til framsýningarupplating hjá Anker Mortensen síðsta fríggjadag. Stjórin á Norðurbryggjuni, Karin Elspudóttir endurgav í síni røðu Ingálv av Reyni, sum á sinni viðmælti listina hjá Anker Mortensen á innbjóðingarkortinum til fyrstu framsýningina hjá Anker í Galleri Trap og júst hesin sami Jørgen Trap-Jensen var til staðar í Norðurbryggjuni og helt eina spontana røðu, har hann vísiliga ráddi áskoðarunum til at taka sær góða tíð til at skoða tey einstøku verkini á framsýningini, tí hetta er list, sum skal sodnast spakuliga, helt hann. Fyrrverandi stjórin í Listasavni Føroya, Nils Ohrt helt upplatingarrøðuna, har hann m.a. hugleiddi um ta tiltiknu steinoyðimørkina uppi á Kirkjubøreyni, sum verður tulkað í verkunum hjá Williami Heinesen og Tummasi Arge.

 

Kandinsky

Heitið á framsýningini vísir til áhugaverda tekstin hjá russiska listamanninum, Vasily Kandinsky Über das Geistige in der Kunst, sum var givin út í München í 1911. Her greiðir Kandinsky frá hvussu myndlistin spakuliga er farin at gera seg leysa frá sínum naturalistiska og mimetiska útgangsstøði og hvussu tann abstrakta listin er náttúrliga framhaldið á hesi leið. Yvir hundrað ár eru liðin síðan henda bókin var givin út og tessvegna er Kandinsky møguliga ikki tað mest progressiva útgangsstøði hjá einum samtíðarlistafólki. Men eg hugsi ikki, at Anker Mortensen brýggjar seg nógv um slíkt. Hjá honum er listin annað og meira enn at vera við í ella framman undan rákinum. Hansara list tykist kveikt av bæði panteistiskum takklæti og kristnari sannføring, at listin má ætta seg eftir tí andaliga og vakra.

 

Nýggj verk

Anker Mortensen hevði framsýning við sama heiti í Listasavni Føroya í 2016, og sama katalogið við tekstum eftir Nils Ohrt, Jørgen Trap-Jensen, René Hjelm, Dagmar Malenu Winther, Amariel Norðoy umframt listamannin sjálvan verður eisini brúkt til framsýningina á Norðurbryggjuni. Men talan er ikki um heilt ta somu framsýningina, tó at nøkur verk ganga aftur. Heili 33 verk eru spildurnýggj, dagfest í ár, so Anker hevur havt úr at gera í seinastuni. Listamaðurin er tiltikin fyri sín tilfarsgranskandi arbeiðshátt, sum hevur verið rættiliga óvanligur í føroyskum listahøpi. Á framsýningini eru nøkur eldri verk við, sum umboða hetta tíðarskeiðið við samanklistraðum pappírslepum, træobjektum og ikonum m.a. Men hetta eksperimenterandi tíðarskeiðið tykist vera av, tí nýggju verkini eru fyri tað mesta monumentalir, koloristiskir málningar.

 

Náttúruborin verk

Sjálvt um verkini sum heild eru abstrakt, tykjast tey onkursvegna náttúruborin – litir og skap eru lívrunnin og tað er líka við, at tú heldur teg hóma ein sjónarring nokk so ovarlaga í onkrari mynd. Anker Mortensen hevur í nógv ár málað koloristiskt, og transformatiónin frá teirri meira hugsaðu avantgardulistini yvir í eitt meira sansaligt úttrykk tykist nú fullgjørd. Eg haldi eisini, at hann í størri mun enn áður er farin at finn íblásturin til tað andaliga í landslagnum. Meðan eg gangi runt í framsýningini, komi eg í øllum førum í tankar um náttúrutulkandi listafólk sum franska impressionistin, Claude Monet og okkara egna Tummas Arge, umframt Anker sjálvan, tí stílurin er ikki til at taka feil av og tú ivast onga løtu í hvør upphavsmaður er til málningarnar – there can be only one. í tí niðara framsýningarhølinum er høvuðsinntrykkið dimmblátt, undurvakurt, flykrandi og organiskt. Hyggur tú nærri at myndunum, eru tær bygdar upp av fleiri løgum við rundleittum bøklum, ið breiða seg kring allan myndaflatan. Myndaflatin skyggir í nógvum bláum tónum, ið annaðhvørt eru óblankir og skínandi, gjøgnumskygdir, rúmligir og flatir og óskygdir, soleiðis at myndaflatin sýnist fullur av lívi, sum glitrar í ljósinum í framsýningarhølunum. Málingaløgini eru altso mong og tað sæst eisini á dagfestingunum í myndaskránni, at verkini tíðum eru málað í fleiri umførum.

 

Samanhangur

Meðan eg gangi inni í framsýningini, komi eg eisini í tankar um kenda málningin, Lívshjólið hjá Asger Jorn frá 1953 við teirri rundskaptu kompositiónini, ið skal ímynda lívsins ringrás og meiningsfulla samanhang. Sjálvt um málningarnir hjá Anker Mortensen ikki eru figurativir uppá sama máta, so hómast ein samanhangur bæði í rundleittu kompositiónini í einstøkum verkum, men eisini í allari framsýningini, ið hongur saman sum ein heild. Framsýningarheitið bendir sjálvsagt á hvussu stóran týdning tað andaliga hevur í verkunum, men tað sama er eisini galdandi fyri tey einstøku verkini, sum eisini í fleiri førum hava poetisk og bíbilsk heiti sum t.d. Vindurin blæsir hvar sum hann vil. Sjálvt um áskoðarin onkuntíð hómar ímyndandi liðir í myndunum, er myndamálið grundleggjandi abstrakt, har miðað verður eftir at lýsa ein innara, andaligan veruleika við íblástri í sansaligum upplivingum í náttúruni vindi og sól ella fuglasangi. Anker Mortensen byggir málningarnir upp av pastosum løgum av máling og av tunnum litfarrum, sum hevur við sær, at myndirnar ofta tykjast hava stóra og rúmliga dýpd. Í framsýningarhølinum uppiá tykjast málningarnir sum heild eitt sindur lættari, ljósari, ljóst rosa og ljósagráir og her er somuleiðis básurin við teimum eldri verkunum, sum er heldur minni enn hon var á framsýningini í Listasavninum. Tað ger einki, tí so er betri pláss til teir nýggju bláu, gráu og ljósareyðu málningarnir, ið eru hugtakandi vakrir og kenslubornir við smáum brigdum av violettum, gulum, grønum ella ljósareyðum, ið lýsa upp í móti tí bláa ella gráa í eini glitrandi koloristiskari heild.

ED5D485E-9A22-4ABD-A1D4-2B63868A3971.jpeg
79EE4927-BDC2-4028-B5B9-41975A139C2B.jpeg
6BCA54E3-082A-4E21-90BB-8600E1074C98.jpeg
2345AA37-212D-4154-827F-51B51B9AA307.jpeg
179E7782-6EE9-4546-892F-99D251E65BF7.jpeg
B743CB03-A4A8-4DDB-8B07-F1E798B384F7.jpeg
AFFFE450-693D-4C49-9263-D352F1FA8A2E.jpeg
9970C8C2-4CC9-40E7-941E-346F415D9239.jpeg

Rørende poetisk foldeværk

cadavre.jpg

Cadavre Exquis

Selv om værket Cadavre Exquis på mange måder opleves som forvirrende og oprørende, omhandler det i grunden kendte temaer, der også behandles via kendte kunstformer. Det er Jesper Justs ferme sammensætning - selve måden, værket er komponeret på, der kommer bag på beskueren. Videoinstallationen er vel efterhånden et gammelkendt kunstnerisk medie, det samme må siges om alt det andet, vi oplever i Cadavre Exquis af konfrontationsteater med publikumsinddragelse, mimen, dans, interpassivitet og synæstetisk sansesammenblanding, samt musik og lysshow. - Jo, det er et herligt værk og spejlingen, der er et hovedtema, kender vi som et grundlæggende tema i kunsten helt fra renæssancen og frem til i dag. Men med Jesper Justs nyskabende sammensætning af de forskellige former i Cadavre Exquis, formår han virkelig at røre og overraske beskueren, der ligeledes overvældes af det sammensatte værks modsatrettede stilsignaler; imellem den polerede flotte finish og tredimensionalitet i filmdelen og det analoge, fysiske præg i skuespildelen. Den fremmedklingende titel henviser til en surrealistisk leg med ord, der er baseret på det samme princip, som når man tegner en tegning eller skriver en sætning kollektivt uden at se hvad den foregående tegner eller skribent har lavet. Det samme princip kan bruges som seriøst kunstnerisk benspænd i skrift; hvilket surrealisterne med deres stadige behov for at undgá fornuftens snærende begrænsninger selvfølgelig gjorde brug af. Det var sådan, at sætningen ‘Le cadavre exquis boira le vin nouveau’ blev skabt. Det lyder måske noget kringlet og trist, men er det slet ikke. Cadavre Exquis er tværtimod morsomt, poetisk og let at forstå, for det omhandler noget så grundlæggende som medmenneskelighed og empati, men ikke med politisk korrekte, strittende pegefingre. Der er mere tale om forskellige signaler og fornemmelser, der får tid til at udfolde sig. Man er altså virkelig godt underholdt i den times tid, værket varer. Vi sidder i et sortmalet teaterrum, hvor vi ser en film med et publikum i et sortmalet teaterrum, der virker som om de ser pâ os. Der er en næmest bizar lighed imellem filmens publikum og virkelighedens publikum, der ikke længere er beskyttet af den såkaldte fjerde væg, som traditionelt udgør grænsen mellem teaterrum og virkeligheden, for vi bliver en del af værket. Ganske langsomt fokuseres der i filmen på en mand, der sidder blandt publikum og skriger som om han oplever noget rædselsvækkende. Hans råben, vrælen og hulken og hele hans mimik signalerer total panik og det føles mærkeligt og virkelig forkert at sidde passivt hen uden at gøre noget for at hjælpe ham. Det er ikke den eneste gang, at denne følelse melder sig i løbet af forestillingen. Efterhånden fokuseres der i voksende grad på mandens vidåbne mund, hvor vi kan se drøbelen dirre af skrigeriet og så er det som om stemningen letter lidt og skifter over i det absurdkomiske. Men al fnisen foretager sig hurtigt, da et højt skrig lyder fra salen, hvor vi sidder. Det er kvinden lige bag ved mig, der skriger, og jeg er nær faldet ned af stolen af forskrækkelse. Værket er opdelt i flere stykker - fordi det opleves i et teaterrum kan vi kalde det akter, uden at der dog er tale om et konventionelt dramatisk forløb: det er måske mere sammenligneligt med enkeltdelene i en foldetegning eller -sætning, hvor sammenhængen ligger på et dybere plan end i fortællingens ydre struktur. Der sker alt muligt i værket, hvis modtagelse til en vis grad er baseret på overraskelser - derfor skal jeg ikke spoile mere, men blot anbefale jer alle at se Cadavre Exquis på Revolver på Republique, der kører til og med d.30.marts 2019.

Kinna Poulsen

Cadavre Exquis

Instruktion, idé & koncept

Jesper Just

Medvirkende

Johannes Lilleøre, May Simon Lifschitz & Emma Sehested Høeg

Livefotografer

Franklin Henriksen & Kasper Aavad

Komponister

August Rosenbaum, Dorit Chrysler & Anders Trentemøller

Statister

Violetta Rzepecka, Ursula Hülsmeier & Gerd Schottländer

Idéudvikling

Svala Vagnsdatter Andersen

Research

Sabrina Tamar

Storskærmsproducere

Claus Dahlstrøm & Ben Lorentzen

Assistent for Jesper Just

Kristine Bech Sørensen

Fundraiser

Jesper N. Jørgensen

Lysdesigner

Christoffer Gulløv

Lyddesigner

Erik Christoffersen

Scenemester

Rasmus Rahbek

Forestillingsleder

Mia-Luise Heide

Produktionsleder

Steen Klemmensen

Hår & makeup

Line Ebbesen

Kostumier

Anne Sofie Bruun

Parykker

Camilla Hentze

Dramaturg

Sanna Albjørk

Chefdramaturg og kurator

Rikke Hedeager

Filmfotograf

Kasper Tuxen

Klippere

Rikke Selin, Jesper Just, Mik Stampe Fogh & Ömer Sami

Tonemester & mix

Jakob Garfield

Tonemester optagelse

Stefan Garfield Rasch Holm

Instruktørassistent

Emma Rosenzweig

1. kameraassistent

Daniel Rishøj Parmo

2. kameraasistent

Allan Nielsen

Dolly grip

Tøt Michael Kromand

En særlig tak til

Alle statister, AVS Nordic, Birgitte Mellentin, Mia Steensgaard, Christian Friedländer, Mads Jørgensen, Kasper Aavad, Sharan, Film Gear & Maan Rental


Ingen skaber alene

08A7271A-A8A3-49FF-BE3F-BFDE585E9C77.jpeg

 Sonja Ferlov Mancoba på Statens Museum for Kunst

 “... Kun i kraft af hinanden kan vi leve og ånde og ingen skaber alene...” er en central formulering, der forekommer i et brev fra billedkunstneren Sonja Ferlov Mancoba til kunsthistorikeren Troels Andersen i 1979, og som siger noget væsentligt om hendes fælleskabsorienterede livs- og kunstopfattelse.

Sonja Ferlov Mancoba levede fra 1911 til 1984. Hun var dansk, men boede en stor del af sit liv i udlandet, især i Paris, hvor hun var bosat ad flere omgange. Hun blev oprindelig uddannet som maler og fulgte (i lighed med mange andre i sin generation bl.a. den færøske billedkunstner, Ruth Smith) det samme undervisningsforløb, der startede med at blive undervist hos Bizzie Høyer fra 1930-32, hvorefter hun gik på kunstakademiet fra 1933-33 med Axel Jørgensen som lærer. Hendes første skulpturer daterer sig så tidligt som til 1934-35 til to somre, som hun tilbragter på Bornholm sammen med sine kunstnervenner, Ejler Bille og Richard Mortensen og hvor de udforskede og arbejdede sammen. Sammenlignet med førnævnte Ruth Smith og andre af Axel Jørgensens elever, er en stor del af Sonja Ferlov Mancobas værker, tegninger, malerier og skulpturer, abstrakte og avantgardeprægede på et meget tidligt tidspunkt og i ganske høj grad. Hun flyttede til Paris i 1937, hvor hun opsøgte og mødte flere af periodens internationale kunstnere som Alberto Giacometti, Jean Arp og Max Ernst, samt Ernest Mancoba, som hun giftede sig med i 1942. Sonja Ferlov Mancoba begyndte allerede i en ung alder at interessere sig for afrikansk oprindelig kunst og anden ikke- vestlig kunst, og besøgte hyppigt det etnografiske museum, Musée de l´Homme sammen med sin mand. Her oplevede hun bl.a. mexikanske masker, som hun var meget optaget af. Ernest Mancoba var interneret i en krigsfangelejr under anden verdenskrig. Krigen havde en voldsom påvirkning på Sonja Ferlov Mancoba, der udstyrede sine skulpturer med andre kvaliteter end de rent æstetiske. Hun opfattede dem som levende, retfærdige væsener, der skulle ud i verden til kamp mod verdens egoisme og umenneskelighed.

Sonja Ferlov Mancoba udstillingen på Statens Museum for Kunst er nødvendig og de fleste er enige om, at det er på tide, at hendes værk får den opmærksomhed som det fortjener. Det er interessant og al ære værd, at SMK bruger kunstnerens egen atelierindretning som udgangspunkt for opsætningen af udstillingen. Men selv om tanken med at placere skulpturerne lidt på samme måde som vi kan se i den enestående fine dokumentar fra 1983 af Torben Glarbo, Gertrud Købke Sutton og Anne Vinterberg, der bliver fremvist midt i udstillingen, er sympatisk, så fungerer det ikke i praksis. Udstillingen fremstår rodet og klemt mellem de mange træpodier og plader i forskellige former og niveauer, ligesom det kniber for beskueren at komme rundt omkring skulpturerne - Jeg er med på idéen med samtalen blandt skulpturerne og den sociale iscenesættelse i kunstnerens ånd, men ville alligevel ønske, at man havde taget større hensyn til de enkelte værker

Selv om pladsen er noget trang til udstillingens relativt store værkudvalg på 140 værker, så udgør udstillingen samt ikke mindst den flotte og læseværdige bog, der er udgivet i forbindelse med udstillingen, en tiltrængt præsentation af en banebrydende dansk kunstner. Billedhuggeren, der startede som maler har i mange år været en kunstners kunstner, der primært har været forstået og beundret af sine kollegaer – også af samtidskunstnere. To hovedværker af Ferlov Mancoba var eksempelvis med på en gruppeudstilling for nylig (En kort historie om Abstraktion på Rønnebæksholm i 2018 - kurateret af Julie Sass), hvor skulpturen Masken (1972) stod placeret på skønneste vis i et rum med plads for hele dens væsen, dens strenge symmetri og insisterende organiske blødhed. I Statens Museum for Kunsts udstiling står Masken sammen med flere andre lignende maskeværker frontalt og stirrer mod beskueren, der hverken kan komme omkring eller tæt på de enkelte skulpturer, hvilket opleves frustrerende. Da er det godt at kunne sætte sig ned for at opleve billedhuggeren med det intense blik iog den hypnotisk langsomme stemmeføring i et virkeligt scoop af en dokumentar, hvor Sonja Ferlov Mancoba fortæller om sin tilværelse og sin kunstneriske praksis og udgangspunkter og hvor det bl.a. fremgår, at hun var inspireret af formen i forskellige muslingeskaller, sten og planter, som hun samlede på og som hun brugte i collager. Udstillingen i Statens Museum for Kunst varer indtil 5.maj 2019.

Kinna Poulsen

C42870E9-B12E-40FF-8509-403AE726D525.jpeg
7C791FB6-B820-4703-9645-1D3EE484FD23.jpeg
4E9E891A-E049-478E-BB9E-A070BD761144.jpeg
hendan.jpeg
CE50C528-CC3C-4D2E-A8D1-9AE68CCDA46F.jpeg

There can be only one - brot úr ummæli/ Uddrag af anmeldelse

2345AA37-212D-4154-827F-51B51B9AA307.jpeg

Fríggjadagin 15.mars læt framsýningin hjá Anker Mortensen Um tað andaliga í málninginum upp í Norðurbryggjuni í Keypmannahavn. Framsýningin verður ummælt í Dimmalætting, her er brot úr ummælinum:

“..Sjálvt um verkini sum heild eru abstrakt, tykjast tey onkursvegna náttúruborin – litir og skap eru lívrunnin og tað er líka við, at tú hómar ein sjónarring nokk so ovarlaga summa staðni. Anker Mortensen hevur í nógv ár málað koloristiskt, og tykist nú nokk so avgjørt hava flutt seg frá teirri hugsaðu avantgardulistini yvir í eitt meira sansaligt úttrykk. Eg haldi eisini, at hann í størri mun enn áður er farin at finna íblásturin til tað andaliga í landslagnum. Meðan eg gangi runt í framsýningini, komi eg í øllum førum í tankar um ymisk náttúrutulkandi listafólk sum franska impressionistin, Claude Monet og okkara egna Tummas Arge, umframt Anker sjálvan, tí stílurin er ikki til at taka feil av og tú ivast onga løtu í hvør upphavsmaðurin til málningarnar er. There can be only one….”

“…Anker Mortensens udstilling Maleriets åndelighed i Nordatlantens Brygge i København bliver anmeldt i den kommende udgave af den færøske avis, Dimmalætting. Her er et uddrag af anmeldelsen: “ Selv om værkerne er abstrakte, så forekommer de også stærkt naturinspirerede - såvel farver som former er organiske og man tror næsten, at man kan ane en horisontlinje i enkelte malerier. Anker Mortensens billeder har i mange år tilnærmet sig det koloristiske udtryk og med de nyeste malerier synes han have flyttet sig helt fra den materialeundersøgende avantgarde over i et mere sanseligt udtrykt. Jeg tror også, at kunstneren i højere grad er begyndt at finde inspirationen til det åndeliget i landskabet. Midt i udstillingen kommer jeg selv i al fald i tanker om forskellige naturfortolkere fra fransk impressionismes Claude Monet til den færøske Tummas Arge udover Anker selv altså. Stilen er ikke til at tage fejl af og du er ikke et øjeblik i tvivl om hvem der er ophavsmanden til de skinnende blå billeder. There can be only one…”

Kinna Poulsen

Ragnar Kjartanson í Norðurlandahúsinum í summar

Fotomyndina av Ragnari Kjartansson tók Matt Dunn, Washington City Paper

Fotomyndina av Ragnari Kjartansson tók Matt Dunn, Washington City Paper

Í summar fer heimskendi íslendski listamaðurin, Ragnar Kjartansson at hava listaframsýning í Norðurlandahúsinum. Nógv meira um hetta einastandandi áhugaverda tiltak seinni, fyri fyrst er frálíki teksturin, sum Inger Smærup Sørensen hevur skrivað í sambandi við Summarframsýningina í Norðurlandahúsinum her:

Nur wer die Sehnsucht kennt „Lied der Mignon“

Nur wer die Sehnsucht kennt

Weiss, was ich leide!

Allein und abgetrennt

Von aller Freude,

Seh’ ich an’s Firmament

Nach jener Seite.

Ach! der mich liebt und kennt

Ist in der Weite.

Es schwindelt mir, es brennt

Mein Eingeweide.

Nur wer die Sehnsucht kennt

Weiss, was ich leide!

Johann Wolfgang von Goethe

Nur wer die Sehnsucht kennt – einans tann, ið longsulin kennir. Hjá týska yrkjaranum, leikskaldinum, rithøvundanum, politikaranum og náttúruvísindamanninum Johann Wolfgang von Goethe (1749-1832) hevur longsulin nógv at siga. Longsul eftir kærleika, tí elskaða. Longsul eftir stóru kenslunum og longsul eftir innliti. Longsul eftir náttúruni og longsulin at gerast eitt við náttúruna. Longsul eftir samanhangi millum fortíð og nútíð. Longsul eftir samljóðinum, tí alfevnda, tí samfeldu heildini, eindini.  

 Longsulin er ein partur av romantisku heimsmyndini, tí slepst ikki undan. Tá ein ímyndar sær eina heild sum part av heimsmyndini, ein natúrligan samanhang, har ein ein andi seyrar gjøgnum alt, har ein frummáttur heldur øllum saman, har tað kropsliga og tað andaliga eru fult sambærilig, og har menniskja er eitt við náttúruna, tá gerst longsulin óumberligur. Tí menniskjan kann bara stremba eftir at vera eitt við náttúruna. Hon má ásanna, at hon er avbyrgd, at sambandið við fortíðina tvørrar, og hon má gera ta sannroynd, at syndring fylgir stóru samfeldu heildini. Men hon kann leingjast.

 Sostatt er longsulin sambandið við alfevnandi samanhangin. Longsulin er eitt millumstøði. Tað er í longslinum, í umskiftinum, at tað romantiska menniskja kennir størstu fullgerðina. Í tí ófullgjørda liggur djúpasta sálarmegin. Í forelskilsinum, í ógjørliga kærleikanum. Í vónini um møti við stórfingna náttúru. Í kensluni av tí endaleysa og gudaborna. Tann einstaka kennir seg livandi í longslinum, og longsulin drívur listaverkið, og gjøgnum listaverkið fáa vit innlit í heildina.

Longsulin, og harvið listin, rúmar alt, og tað rúmar altíð heildina. Ein heild, sum hjá  Goethe er fjølbroytt, fjøltýdd og mótsigandi.

 Smá tveyhundrað ár eftir romantikkin virkar Ragnar Kjartansson (1976)  í einum stórum broytiligum øki, har myndlist, filmur, tónleikur, sjónleikur og bókmentir finna saman í eini fjølbroyttari og fjøltýddari og mótsigandi heild av framførslulist, tekningum, málningum, videolist og installatiónslist.

 Í hesum økinum hevur Ragnar Kjartansson skapt verk so sum “Nur wer die Sehnsucht kennt”, ið ber heiti á yrkingini hjá Goethe. Talan er um eitt fjallalandslag, harðir klettar og kavaklæddir tindar av málaðum fløtum, ið standa á gólvinum. Hetta er onnur síðan. Hinumegin eru ráðar, ómálaðar krossviðplátur. Men tær eru eins umráðandi. Her er eingin rætta ella ranga, men ein heild, hóast hon er óliðug. Ein heild, vit kunnu flyta okkum í, leingjast og leita í og finna tað, sum liggur ímillum. Á markinum millum eydnu og sorg. Løtan frá samljóði til syndring. Rørslan frá einum útmarki til annað. Spenningsøkið millum skemt og sorgarleik. Møtið millum tað gerandisliga, tugda, tanlaða og tað óveruliga, tað makaleysa, tað gudaborna.

 “Nur wer die Sehnsucht kennt” er sostatt ikki einans eitt verk, sum er eitt bakstøði fyri gerðum, eitt høpi, har okkurt kann skiljast, eitt slag av tjaldi, har leikast kann, ein pallur, har einstaklingurin kann føra seg fram. Tað at lata sum um, pallseta, og spæla sjónleik er – eins og longsulin – merkt av skifti ella yvirgongu frá onkrum til okkurt annað. Kanska frá fortíð til nútíð og afturaftur. Kanska frá mentanini og nútímans samfelagnum og inn í náttúruna, sum tykist minni tengd at ítøkiliga veruleikanum og meira ávirkað av anda, hugflogi og vilskapi, og so afturaftur. Ella við fleiri yvirgongum frá álvara til skemt til sorgblídni og so afturaftur. Ella uppaftur fleiri umskiftum. Ein endaleys rørsla aftur og fram, runt og runt.

Tá Ragnar Kjartansson við sínum verki “Nur wer die Sehnsucht kennt” sendir lítlar heilsanir til romantikkin, vil tað ikki siga, at verkið er nær skylt við yrkingina hjá Goethe, ella at tað er ein viðmerking til romantikkin. Listamaðurin dregur fram tættir úr romantikkinum og spælir sær við teir. Hann spælir sær við, hvussu romantiski skaldskapurin hevði lyndi til at endurtaka, hevði ovurstóran áhuga fyri plássi menniskjans í náttúruni og dyrkaði náttúruupplivingar, hevði stóran tokka til millumstykki, har okkurt broytist frá eini støðu til aðra, legði áherðslu á einstaklingahugsan og tað uppgjørda, og hann spælir sær eisini við romantisku kensluna, stundum ovurhugað, stundum háfloygd, stundum sansalig ella innilig, brádliga skiftandi frá einum til annað.

Men Goethe og romantikkurin eru bara møguleikar úr eini ørgrynnu av møguleikum, og tað samband, verkið hevur við hesar møguleikarnar, er ikki beinleiðis og kann ikki lýsast sum ein ávísing, tilvísing ella viðmerking. Sambandið millum verkið og hesar møguleikar er bæði meira óbeinleiðis og meira livandi, tað er í støðugari rørslu, og kann kanska betur lýsast við forskoytinum ‘endur’, og ikki bara einum  ‘endur’, men við nógvum. So sum enduruppliving, endurminning, endurmynd, endurljóð, endurskoðan, endurfinning, endurveking, endurgjald, endurkast og endurtøka. 

Í hesum undursama samanspælið verður ikki bara fortíðin tikin uppí, men eisini nútíðin, og ikki einans romantikkurin, men eisini poppmentan. Í verkinum “A lot of Sorrow”, sum Ragnar Kjartansson hevur skapt saman við amerikanska indie rock bólkinum The National, eru bæði nútíðin og poppmentanin sanniliga set inn í eina óendaliga rørslu av endurtøkum.

 “A lot of Sorrow” er eitt videoverk, ella videoframførsla, við eini meira enn seks tímar langari konsert, har ein bólkur spælir ein sang “A lot of Sorrow”. Út í eitt. Umaftur og umaftur. Í tekstinum, ið skjótt festir seg í høvdið, fylgja vit sorgini við sínum mótsetningum. Sorgin er onkursvegna tengd at njóting, ein søt neyð. Sorgin er upphavsstøði til alt og má haldast føst, so hon ikki hvørvur. Í sorgini ber til at fjakka frítt millum sinnisstøður og millum tíðir og støð. Sorgin gerst ein erheimur, ein afturlatin ringur, endurtikin uttan íhald. Eitt loop.

Og endurtøkan er eisini heilt ítøkilig. Sangurin verður spældur upp í saman í fleiri tímar, bólkurin heldur á at spæla og sangarin heldur á at syngja, og endurtøkan gerst so bókstavlig, at hon verður útlúgvandi, og í møðini liggur kanska ein møguleiki ella vón um at røkka okkurt annað, at hevja seg á eitt hægri støði og fáa samband við tað gudaborna. Tað, sum liggur yvir og uttanfyri alt tað materiella, og tað, sum hevur ein endaleysan, yvirjarðligan stórleika. Tað gudaborna  røkka vit gjøgnum langliga einsljóðið, sum hóast alt verður avbrotið av tí menniskjaliga, lítil brot í broytingarloysinum, elalítil brigdi, sum koma í, tá ið menniskju eru uppi í leikinum. Serliga tá ið menniskju útinna styrkiroyndir av hesum slag. Treystið, vit síggja, er eitt satt roysni. Tí alt meðan tað gudaborna verður dyrkað, síggja vit eisini ein annan leik. Vit síggja, nær møðin kemur, nær kenslurnar taka valdið á tí einstaka, nær orkan vendir aftur og síðan fjarðar av nýggjum. Báðar síður eru til í sjónligari, kraftamiklari samtilveru. Tað gudaborna, tað øtiliga, tað ógreinandi, tað sum spreingir mørk, og samstundis tann meira jarðbundni og menniskjaligi sorgarskemtileikurin.  Ongantíð hvørki-ella, altíð bæði-og. Ragnar Kjartansson fær alt at liva lið um lið, í stríð ella í samljóði, altíð saman. Tað er einastandandi. Einastandandi frálíkt.

 

A lot of sorrow

Sorrow found me when I was young,


Sorrow waited, sorrow won.


Sorrow that put me on the pills,


It's in my honey it's in my milk.


It's only about half a heart alone


On the water,


Cover me in rag and bones, sympathy.


'Cause I don't wanna get over you.


I don't wanna get over you.

Sorrows my body on the waves


Sorrows a girl inside my cage


I live in a city sorrow built


It's in my honey, it's in my milk.


It's only my half of heart alone,


On the water,


Cover me in rag and bones, sympathy.
'

Cause I don't wanna get over you.


I don't wanna get over you.

It's only my half of heart alone,


On the water,


Cover me in rag and bones, sympathy.

'Cause I don't wanna get over you.

I don't wanna get over you.

 

Aaron B. Dessner / Matthew D. Berninger

 

Norðurlandahúsið í Føroyum sýnir verkini “Nur wer die Sehnsucht kennt” og “A lot of Sorrow” á framsýningini ’Ragnar Kjartansson – Nøkur verk’ frá 15. juni til 18. august 2019. Umframt hesar verða 15 tekningar frá røðini “Omnipresent Salty Death” og videoverkið “Satan is Real” sýndar fram. Hjartaliga takk til listamannin og lið hansara.

 

Inger Smærup Sørensen

 

 

Floating - Mie Mørkeberg i Steinprent

IMG_8819.jpeg

I Steinprent hænger der i øjeblikket fire litografier, der alle forestiller tilsyneladende henførte kvinder, der er placeret ved vand eller direkte i det våde element. Litografiernes skaber, den danske billedkunstner, Mie Mørkeberg har allerede forladt Steinprent, Færøernes Grafiske Værksted, hvor hun har haft et yderst koncentreret arbejdsophold på fem dage efter aftale med Glostrup Kunstforening. Det er Mie Mørkebergs første arbejdsophold på værkstedet ved den gamle bådehavn i Færøernes hovedstad.

De fire tryk udgår motivisk fra nyere malerier, men i og med, at teknikken er så anderledes som den er, er der naturligvis stor forskel mellem malerier og tryk. For sidstnævntes vedkommende er de præget af et fascinerende modsætningsforhold imellem meget og intet, hvor det meste af billedfladen præges af mange lag farve, imens papiret andre steder står nærmest rent. Dette er eksempelvis gældende for billedet, der ses øverst her af en kvinde, der bøjer sig ned på hug, imens hun strækker sine hænder og sænker sit ansigt ned i vandet og hvor hendes lår, bagdel, nakke og overarme blot defineres af en lyseblå stregtegning, der bliver orange, da den kommer ned under vandoverfladen. Det er helt tydeligt, at Mie Mørkeberg har en god fornemmelse for hvad litografiet kan og at hun tilsyneladende kender teknikkens muligheder. Hun får det maksimale ud af de mange lag farve, der giver billedfladen et intenst, næsten taktilt præg, som var der tale om et billedtæppe eller en velourflade. Op imod denne næsten luxuriøse farveflade, er det som om, at de førnævnte dele af billedfladen, der står uden farve, danner en negativ form, som forekommer næsten abstrakt. I et andet tryk ligger en kvinde i vand som en flydende Ophelia således, at kun hendes ansigt er synligt. Også her oplver vi en modsætning mellem frodighed og tomhed; her er det ansigtsformen, der dannes af et farvemæssigt tomrum. Herudover bugner billedet af farver, af skønhed og frodighed med blomster, åkander og planter, der omkranser ansigtet som de skønneste ornamenter, der gror op af den mørke understrøm - det er drømmeagtigt som i sangen Floating into the night af Julee Cruise, Angelo Badalimenti og David Lynch, der blev brugt til Twin Peaks - nyromantisk er det, sødt og beskidt, befriende og klaustrofobisk.

Mie Mørkeberg er taget hjem til Danmark igen, men mon ikke hun kunne finde på at vende tilbage til Færøerne og Steinprent en anden gang? Det håber jeg!

Kinna Poulsen

IMG_8818.jpeg
IMG_8816.jpeg
IMG_8811.jpeg


DR Gentukórið við Tóroddi Poulsen á skrá

tp kor.jpg

https://www.dr.dk/radio/p2/p2-koncerten/p2-koncerten-dr-pigekorets-forar-2#!00:00:00

Á Várkonsertini hjá kenda danska kórinum DR Pigekor verða tekstir hjá Tòroddi Poulsen á skránni, sum kórleiðarin, Philip Faber hevur tónsett og útsett fyri kór. Skráin er løgd við íblástri av várinum og tess mótsetningum har tað kenda møtir tí nýggja, sum tekur teg á bóli. Í skránni stendur:

På samme måde indeholder den herboende færøske digter Tóroddur Poulsens Øjenhuler både vinterens blåkolde melankoli og forårets varmt ironiske humor i et skævt smil til kirkens fortællinger og mytologi. En skæven til historien, som også den unge, amerikanske Caroline Shaw tager op i værket Partita, der vandt Pulitzerprisen i musik 2013. Shaw lader to af den klassiske dansesuites satser møde et råt og energisk nutidigt udtryk, der låner sangteknikker fra ikke-vestlige kulturer indkapslet i en yderst vestlig form, der bliver til en legende, moderne og grænseoverskridende hilsen til de gamle mestre, som går på tværs af tid og kultur. Og endelig er der det kontrastfulde kærlighedsmøde hos den amerikanske David Langs Just, hvor de to elskende fra Højsangen møder hinanden i en systematisk tekstlig udvælgelse af det, der er dit, det, der er mit og det overraskende lidt, der er vores. Langs læsning og tonesætning skaber et strengt vævet net, som vi oplever Højsangen igennem, og bringer lytteren ind i en repetetiv musikalsk verden, hvor selv små forskelle bliver til store begivenheder. Alt dette imens nattemørket er ved at være forbi, de blå anemoner bebuder lysere tider og foråret er på vej sammen med de danske sange, der varsler årstidernes skiften og overgangen fra mørke til lys.

Konsertirnar verða í Holmens Kirke, København 10. mars 2019 kl. 19.30 og 12. mars 2019 kl. 19.30. Konsertirnar eru útseldar, men tað ber til at hoyra tónleikin á P2 hjá DR í annaðkvøld, 12.mars kl 19.20, tá konsertin verður útvarpað.

Yrkingar hjá Tóroddi Poulsen eru brúktir í sanghøpi áður, m.a. við tónleiki eftir Trónd Bogason. Philip Faber hevur tónsett sjey yrkingar í savninum Eygnaholur/Øjenhuler, sum danska forlagið Edition After Hand gav út í 2010. Tann eina er hin framúrskarandi yrkingin við byrjanarregluni Tá myrkrið køvir, sum Íslendska tónaskaldið Hugi Guðmundsson eisini hevur tónsett til útgávuna Innlit hjá kórinum Mpiri:

https://youtu.be/y51gE9jJHHc

tamyrri.jpg



Týtt hevur Randi Ward

Týtt hevur Randi Ward



Loftbrúgvin longd trý ár

6af8bc40-74d2-4d4c-8ded-f697fde13e49.jpg

Undir frálíku málningunum hjá Hanna Bjartalíð skrivaðu Norðurlandahúsið, Atlantic Airways, Tórshavnar kommuna og Mentamálaráðið undir nýggjan trý ára sáttmála fyri Loftbrúnna til listafólk.

Loftbrúgvin til listafólk er ferðastuðulsskipan, ið hevur til endamáls at breiða út kunnleika um føroyska list uttanlands við at stuðla føroyskum listafólkum við loftvegis flutningi úr Føroyum í sambandi við verkætlanir ella tiltøk uttan fyri landoddarnar.

“Loftbrúgvin er við til at vekja ans fyri Føroyum úti í heimi og skapar eitt ótrúliga stórt virði fyri Føroyar. Samstundis er hon við til at skapa gróðrarbotn fyri einum fjølbroyttum listarligum umhvørvi í Føroyum, har til ber hjá listafólki at búgva her heima og samstundis hava lætta atgongd til altjóða marknaðin. Tí var ongin ivi hjá nøkrum okkara um, at Loftbrúgvin skal halda fram fyri áhaldandi at vera við til at varpa ljós á okkara ríka listaliga umhvørvi og mentan. Vit fegnast, at vit við Loftbrúnni kunnu stuðla tí megnararbeiði, ið føroysk listafólk standa fyri,” siga samstarvspartarnir í sambandi við, at nýggjur sáttmáli er undirskrivaður.

Talan er um eitt samstarv millum Norðurlandahúsið í Føroyum, Atlantic Airways, Tórshavnar kommunu og Mentamálaráðið, sum byrjaði í 2015. Síðani 2015 hevur Loftbrúgvin stuðlað føroyskum listafólkum við fleiri enn 1.000 ferðaseðlum á rutunetinum hjá Atlantic Airways.

Tað vóru Gunn Hernes, stjóri, Norðurlandahúsið, Jóhanna á Bergi, stjóri, Atlantic Airways, Annika Olsen, borgarstjóri í Tórshavnar kommunu, og Høgni Hoydal, landsstýrismaður í mentamálum, sum í dag skrivaðu undir nýggja trý ára sáttmálan.

Søkt verður um ferðastuðul á www.loftbrugv.fo, umsóknir verða viðgjørdar hvønn mánað.

Viðtøkur

Viðtøkur fyri Loftbrúgv til listafólk

Yvirskipaða málið hjá Loftbrúgv til listafólk er at breiða út kunnleika í útlondum um føroyska mentan við at stuðla dansarum, filmsfólkum, myndlistafólkum, rithøvundum, sjónleikarum, tónleikarum og øðrum við loftvegis flutningi úr Føroyum til útlond og aftur í sambandi við verkætlanir ella tiltøk uttan fyri Føroyar.

Við í samstarvinum um Loftbrúgv til listafólk eru Norðurlandahúsið í Føroyum, Atlantic Airways, Tórshavnar Kommuna og Mentamálaráðið. Dentur verður lagdur á, at øll listafólk í landinum kunnu søkja. Talan er um eina royndarskipan, og til annað er avtalað, er skipanin bert galdandi fyri árið 2015.

 

Grein 1.

Grundleggjandi treytir og staðfesting

Treytirnar fyri at fáa stuðul frá Loftbrúgv til listafólk er, at umsøkjarin skal lúka hesi krøv:

1.  Framføra/sýna fram uppruna føroyskt og/ella egið tilfar.

2.  Kunna vísa fram skjalprógv, sum váttar luttøku í verkætlan ella tiltaki uttanlands, sum kann styrkja ímyndina av Føroyum sum eitt livandi, eyðkent og spennandi mentanarstað.

Umsøkjarin skal senda inn skjalprógv, sum endaliga váttar ætlaðar konsertir, sýningar, framsýningar ella onnur miðla- og/ella PR-viðkomandi tiltøk uttanlands.

 

Grein 2.

Stuðulsmóttakarar og stuðulsveitingar

1.  Sum heild stuðlar Loftbrúgv til listafólk hvørjum umsøkjara við í mesta lagi tveimum verkætlanum um árið.

2.  Stuðulin er avmarkaður til listafólk og í mesta lagi eitt hjálparfólk til tiltakið.

·      Í útgangsstøðinum verður játtað til hvørja verkætlan í mesta lagi 8 ferðaseðlar aftur og fram við skatti/avgjøldum.

 

Grein 3.

Avmarkingar

1.  Loftbrúgv til listafólk veitir ikki stuðul til ferðir til fundir, luttøku á ráðstevnum, upptøkur og ferðir, sum ikki umfata framførslu av livandi tónleiki, bókmentum, sjónleiki, filmi, framsýning av føroyskari list o.a.m.

1.  Loftbrúgv til listafólk stuðlar við ferðaseðlum til flúgving á rutunetinum hjá Atlantic Airways, og ferðin skal byrja í Føroyum.

Ferðaseðlarnir skulu bíleggjast, so skjótt sum umsøkjarin hevur fingið sína umsókn játtaða. Ein játtan merkir eisini loyvi til at hava við sær 20 kg í yvirvekt fyri hvønn persón – ella í mesta lagi 250 kg til eina verkætlan (tá talan er um verkætlan, skal yvirvekt yvir 20 kg fyri hvønn ferðandi bókast og góðtakast frammanundan av Atlantic Airways við sambandi til Tænastudepilin á tel. 341010).

·      Ferðaseðlarnir verða bílagdir og goldnir fyri vanligan prís, og sum útgangsstøði verða TÍÐLIGA ferðaseðlar nýttir. Bæði ferðaseðil og skattur/avgjøld verða goldin.

Umsøkjarin rindar sjálvur kostnaðin fyri møguliga uppstigan og/ella broytingar av flogferðaseðlunum. Um ein góðkend og bókað ferð verður avlýst, falla møgulig endurgjøld til Loftbrúgv til listafólk.

1.  Loftbrúgv til listafólk tilskilar sær rætt til ikki at viðgera nýggjar umsóknir frá umsøkjarum, sum ikki hava hildið treytirnar í sáttmálanum fyri umsóknir, sum fyrr eru játtaðar.

 

Grein 4.

Umsóknir og tíðarfreistir

1.  Umsóknir skulu vera móttiknar innan tann fyrsta í hvørjum mánaði, og fráferðin, sum biðið verður um, skal ikki vera fyrr enn í minsta lagi 5 vikur eftir henda dag. Umsóknin skal hava eina stutta og greiða lýsing av verkætlanini, upplýsingar um ferðadagar, sum ynski er um, og eisini aðrar ferðadagar, sum veljast kann ímillum, ferðamál, og eisini neyvu uppgávuna hjá teimum einstøku luttakarunum á ferðini/verkætlanini, um talan er um fleiri luttakarar. Umsóknir verða bert viðgjørdar, um formliga umsóknarblaðið hjá Loftbrúgv til listafólk er nýtt (sí www.loftbrugv.fo).

2.  Loftbrúgv til listafólk hevur heimild at geva ætlanarskriv um stuðul, uttan at skrivlig váttan um eitt tiltak er tøk, men stuðulin kann ikki verða veittur, fyrr enn øll skjalprógv eru til skjals.

 

Grein 5.

Skipan og samband

1.  Stuðulsnevndin hjá Loftbrúgv til listafólk hittist hvønn mánað – í seinasta lagi fimm dagar eftir at umsóknarfreistin er úti. Umsøkjararnir fáa svar í seinasta lagi 3 arbeiðsdagar seinni. Teir umsøkjarar, sum fáa tillutaðan stuðul, skulu undirskriva ein sáttmála.

2.  Tá sáttmálin verður undirskrivaður:

1.  – bindur umsøkjarin seg til at gera eina frágreiðing um verkætlanina, sum skal vera móttikin í seinasta lagi ein mánað aftan á heimkomuna. Verða treytirnar fyri stuðlinum ikki hildnar, kann stuðulin verða kravdur aftur, og sum útgangsstøði ber ikki til at veita umsøkjarum stuðul, sum áður ikki hava hildið allar treytirnar í sáttmálanum

2.  – góðtekur umsøkjarin, at Loftbrúgv til listafólk hevur fullan rætt til at kunna um stuðulin til viðkomandi tiltak/verkætlan.

 

Grein 6.

Onnur viðurskifti

1.  Partarnir í Loftbrúgv til listafólk seta sjálvir sína stuðulsnevnd.

2.  Um týðandi orsøkir eru til tess, kann Loftbrúgv til listafólk í einstøkum førum víkja frá omanfyri nevndu leiðreglum.

 

 

1-0 til hangiboppurnar

ss.jpg

Mítt 8.mars-listaviðmæli má vera framsýningin hjá Silju Strøm í Listasavninum, Listaleikir. Tað geri eg fyrst og fremst tí talan er um eina góða framsýning, sum kann síggjast fleiri ferðir, men tað geri eg eisini tí Silja í sínum figurativa málaríi sleppur óperfekta kvinnukroppinum framat og tað er altso uppá tíðina!

Listaleikir er ein serstakliga væl eydnað framsýning, bæði tá hugsað verður um tær einstøku myndirnar í henni og um heildina - tað er hugtakandi at síggja hvussu staklutirnir og heildin hanga saman í eini bylgjandi meginrørslu. Sum eg greiddi frá í mínari upplatingarrøðu, so tykist listin hjá Silju Strøm relationel soleiðis at skilja, at listakvinnan granskar viðurskiftini millum figurativt og abstrakt, millum tekning og málarí, spontant og stýrt, intimt og ópersónligt, millum ílatið og úrlatið, hátíðarligt og banalt, millum einstakling og samfelag. Henda listin sýnist ovurhonds estetisk og fínlig, men er samstundis sosial og demokratisk av lyndi; verkini innihalda bæði sosialmentanarligar og feministiskar hugsanir. http://www.listaportal.com/tidindi/2019/1/26/silja-strm-listaleikir-upplating?rq=Silja

Í føroyskari list hevur ideali vakurleikin havt ein sera stóran leiklut. Hetta er bæði galdandi fyri abstraktar og figurativar myndir. Og kropparnir í okkara list eru somuleiðis vakrir. Sagt eitt sindur beint fram, so eru ikki nógv verk við hangiboppum í føroyskari list. Tað er løgið um vit hugsa um tær mongu kvinnulýsingarnar í føroyskum málaríi og standmyndum. Men um vit sprota orðið, so finnast ikki hangiboppur í Føroyum og heldur ikki heingiboppur (tað valdast um tær hanga ella verða hongdar upp). Sama er galdandi, tá eg googlaði orðið og vitaði á Kvinnu.fo. Mann kann heldur ikki siga, at hangiboppurnar fylkjast í Hollywood. Men hvussu er og ikki, so kenna flest allar konur til fyribrigdið, tí boppur hava lyndi til at hanga meira og minni. Tyngdarlógin og so tað, at boppur ikki kunnu trenast og tuktast, hevur við sær, at vit ganga runt við øllum møguligum stuttligum boppum, sum líkjast ovurstappaðum indrum, hosum við eini fimmkrónu í, fullum ella hálvtómum posum, sum stundum eru til fortreð, so at vit hava hug til at tveita tær aftur um bak og gloyma alt um tær, og sum í hvussu so er ikki minna um tær nydeligu boppurnar, sum síggjast á standmyndum og í málningum. Eru kvinnur í einum ávísum aldri, eru tær vanliga væl og virðiliga ílætnar t.d. mammurnar í okkara minnisvarðum, meðan tær ungu naknu og navnleysu kvinnurnar í standmyndum og málningum allar hava sovorðnar boppur, sum peika fram ella uppeftir.

Í myndaverðini hjá Silju Strøm hevur kroppsligi bygnaðurin hjá kvinnunum altíð verið fjølbroyttur. Hon teknar og málar tjúkkar konur við ryggdellum, klænar konur við spískum knøum og bæði ungar og eldri konur við boppum, sum uppføra seg sum boppur flest.

Tað er frígerandi og gott.

Kinna Poulsen

hb.jpg
49515999_1214296202054308_6846804374498603130_n.jpg

Facebook er ein kollektiv lúgvimaskina, har tað t.d. ber til at halda uppá, at vit verða penari við aldrinum #10yearschallenge - tað passar ikki - tað einasta, sum verður penari við aldrinum eru boppurnar!

Anker Mortensen á Norðurbryggjuni

anker-mortensen-960x370-uden-tekst.jpg

 Fríggjadagin 15.mars klokkan 16-18 letur Anker Mortensen upp serframsýning í Norðurbryggjuni í Keypmannahavn. Framsýningin hevur sama heiti sum framsýningin í Listasavninum og snýr seg um tað andaliga í málninginum/Maleriets åndelighed – men er heldur øðrvísi, tí sambært listamanninum verður talan um eina blandaða framsýning, ið umframt oljumálningar telur verk á pappír og træ. Anker Mortensen sýnir somuleiðis fram saman við listafólkabólkinum, Koloristerne í Den Frie fram til 31.mars. Koloristerne er ein av elstu listafólkasamtøkunum í Danmark. Umframt Anker framsýna aðrir limir í samtakinum: Søren Ankarfeldt, Martin Berge, Eli Benveniste, Jørgen Teik Hansen, Nanna Hertoft, Ingvald Holmefjord, Leif Lage, Lisbeth Nielsen, Niels Reumert, Kurt Tegtmeier, Helle Thorborg, Inge Lise Westman og Carsten Ulrich von Würden. Gestaframsýnarar eru: Claus Hugo Nielsen, Tove Storch, Silas Inoue, Harmut Stockter, Kathrine Ærtebjerg, Ida Kvetny, Asger Harbou Gjerdevik, Anne Sofie Meldgaard, Maria Wæhrens, Nalini Printz og Christina Capetillo. Meira verður skrivað um hesar framsýningarnar seinni.

52853973_10219329221686026_4220246946792603648_n.jpg

Autentisk og vøkur sjúkrasøga

53098653_325682514970404_7604894713224626176_n.jpg

IKKI FYRR ENN TÁ

Har er ikki nógv poetiskt við heilakrabba. Kanska er heilakrabbi tað minst poetiska, eg kann koma í tankar um. Hvussu skal tað so ganga, tá ein yrkjari fer at skriva eina skaldsøgu um ein mann, hvørs kona verður rakt av hesi ótespiligu sjúkuni? Einum heilasvulli, ið vaksur og breiðir sítt myrkur yvir húskið í skaldsøguni. - Yrkingarnar hjá Oddfríði Marna Rasmussen vóru mangan rættiliga abstraktar og eksperimenterandi, men hann er seinnu árini í størri mun farin at skriva um tilveruna í sjálvum sær og serliga um hvussu hon tekur seg út upp ímóti skugganum av deyðanum. Hesin skuggi liggur kleimin út yvir alla skaldsøguna, sum hevur sløðst her í stovuni nakrar dagar. Perman við tí vemmiliga svarta og myrkareyða vøkstrinum við greinum, ið breiða seg í allar ættir, sær so óhugnalig út, at eg í sosialrealistiskari hospitalsræðslu havi skákað mær undan hvørja ferð eg havi borið eyga við hana, men tá eg í morgun ætlaði mær at kaga í bókina, ja so endaði eg við at lesa alla. Tí soleiðis er hetta ein frálíka løtt og góð bók at lesa, serliga er fyrri parturin, ið er skrivaður í tátíð og sum snýr seg um Elsu frá, at byrjanarsymptomini uppá heilakrabba fara at gera um seg og til hon doyr og verður jarðað, væl skrivaður. Hesin fyrri parturin fyllur eitt sindur meira enn tveir triðingar av skaldsøguni, meðan síðsti partur snýr seg um lívið hjá Janusi eftir at konan er deyð.

Janus sær bæði aftur og fram. Frásagnarhátturin er kollasjukendur við hugsanum, minnum og upplivingum, sum umskarast og sum sera neyvt og realistiskt endurgeva skelkin og fatanina av sjúkuni, samstundis sum tíðin gongur og sjúkan so líðandi køvir vit og skil. Tað ljóðar óluksáliga deprimerandi at skula lesa eina bók um ein sjúkan persón, sum spakuliga versnar og fánar burtur, samstundis sum sjúkan etur seg inn á hennara persónsmensku. Men bókin er í grundini eisini uppbyggilig í síni menniskjansligheit í lýsingunum av tilverunnar universalu treytum og mørkum og ikki minst í sínum lýsingum av teirri ófatiligu styrkini, sum vit menniskju hava, tá harðast leikar á. Vakrastu partarnir í bókini eru smáir kærleiksfylltir glottar, har sjúkan sleppur kvørkratakinum og vit í stillum løtum síggja menniskjuni eyðmjúk staðfesta t.d: “Tað var gott at sita við síðuna av sjúkrahúsinum og ikki noyðast at fara inn.” Øll, sum hava upplivað álvarsliga sjúku á egnum kroppi ella hjá teimum nærmastu kenna hesa kensluna av fullkomnum sundirknúsilsi og harav fylgjandi totalari eyðmýkt.

Persónarnir eru ómetaliga væl lýstir, serliga teir báðir høvuðspersónarnir og alt tað, tey bæði gera fyri hvønn annan til tess at halda sjúkuna út, t.d. murrar og syngur maðurin fyri at ugga konuna og lýsingin av hesum og av mátanum, hann nýtir tónleik at sissa konuna við tykist ómetaliga veruleikakend og rørandi. Tað er sjálvsagt fyri tað mesta tann fríski maðurin, sum hjálpir sjúku konuni, men hon er í sínum ljósu løtum eisini før fyri at hugsa fram í tíðina, tá hon einaferð biðjur hann ikki brotna. Maðurin er ógvuliga skroypiligur, men púra stálsettur meðan sjúkan ræður - tað er ikki fyrr enn aftaná, at hann í roynd og veru brotnar.

Síðsti triðingurin av bókini er skrivaður í nútíð og gongur í stóran mun fyri seg í fyllskapi og samanbroti. Stílurin broytist eitt sindur og verður næstan surrealistiskur, tá Rósa við drekatatoveringini flytur inn til Janus uttan at hann ordiliga er varugur við hvat hendir. Rósa er gátufør og lesarin ivast í fyrstani í um hon er til ella um hon er ein dreymasjón, sum Janus hevur gjørt sær við bókmentaligum og alkoholiskum íblástri. Hon minnir bæði um Lisbeth Salander í kendu krimirøðini hjá Stieg Larsson og um gátuføru kvinnuna í Ned til hundene hjá Hele Helle, sum flytur inn til nøkur fólk, sum hon ikki kennur. Men lesarin fær síðani alt at vita um Rósu í politirapportini á síðu 256 og tað er í grundini spell haldi eg.

Skaldsøgan endar sama stað sum hon byrjar; í songini við endurtøkuni: “Skriva á tað hvíta, leita í tí døkka”, sum Elsa sigur í byrjanini. Umframt at snúgva seg um sjúku, snýr skaldsøgan seg eisini um at skriva og um royndina at fasthalda minnini um ein persón gjøgnum skrivingina og tær slóðir vit lata eftir okkum í luktinum, sum situr eftir í klæðunum, í rivum og skøvum á tingunum og í fótafarinum av okkara kroppi í seingjarklæðunum, meðan lívið spakuliga tekur við og fer avstað við okkum aftur. Vist er bókin syrgilig, men eins og sirmið í henni er gult av sól, glógvar hon av menniskjansligum innliti og tokka. IKKI FYRR ENN TÁ er ein autentisk og vøkur sjúkrasøga um deyða og miss, men hon er eisini søgan um hann, sum yvirlivir og skrivar søguna.

Kinna Poulsen

Til lukku Tróndur

53111068_10219047934537605_2474131961153585152_n.jpg

Í dag 1.mars fyllir Tróndur Patursson 75 ár. Inger Smærup Sørensen hevur skrivað vakran tekst og føðingardagsheilsan til listamannin. Hon hevur eisini tikið ta flottu myndina av listamanninum, sum lyftir ein av sínum glasfuglum upp móti ljósinum.


Fyrr í tíðini, eg veit ikki nær – tað veit Tróndur. Fyrr í tíðini vórðu sjómenn, ið doyðu umborð sveipaðir í einum av seglunum og síðani tveittir fyri borð. Hildið varð, at teir risu upp aftur sum súlukongar. Tessvegna vórðu súlukongar ongantíð fyribeindir. Tróndur hevur heldur ikki nakrantíð kipt ein súlukong, sjálvt um hann hevur fangað fleiri á drúgvum sjóferðum, tá manningin var gorhungrað.
Mytan um súlukongin hevur týdning, eins og tað hevur týdning hvussu kinverjar ríva litpigmentir. Gamlar veðurvaringar hava týdning, evnisfrøðiliga samansetingin á steininum hevur týdning, anatomigranskingin hjá Leonardo og náttúruhugmyndir Platons hava týdning, á sama hátt sum tað hevur týdning hvørjum djóri hárini á penslinum koma frá og hvussu ein LED pera virkar. Men tað hevur ongan týdning.


Tí samstundis er tað bert formurin, sum hevur týdning. Formsins megi og veikleiki, hansara tyngd og lættleiki. Í listini hjá Tróndi Patursson savnast ein djúp vitan um heimin, um upprunan hjá øllum tilfeingi, um filosofisøguna og listasøguna. Um alt millum himmal og jørð. Í hvørjum einasta verki er einastandandi vitanin hjá listamanninum til staðar og týdningarmikil samstundis um hon er týdningarleys.
Hon ger mun, tí hon er neyðug hjá honum fyri yvirhøvur at kunna skapa. Neyðugt er at fata glasið, málingina, pensilin, og tað er neyðugt at fata listina, náttúruna, alheimin. Hon er týdningarleys, tí tað at skapa fyri hann er kroppsins verk, ein djúp, instinktiv fatan av forminum. Hon er týdningarleys, tí hon fyri hann ikki er áhugaverd at illustrera ella vísa til.


Sum ávirkað av Hegelskum skilvísi verður tað týdningarmikla og tað týdningarleysa sameind í listini hjá Tróndi Patursson. Tað týdningarmikla er treytað av tí týdningarleysa, og tað týdningarleysa er treytað av tí týdningarmikla, tey eru treytað av hvørjum øðrum. Sostatt er einki uttan týdning, einki týdningarleyst í listini. Hvørki vitanin, vit hava ella tað, sum vit ikki vita, tað sum liggur uttan fyri okkara fatanarramma, tað Tróndur kallar tað kosmika ella tað ósjónliga, sum bæði er týdningarmikið og týdningarleyst í hansara list og tessvegna týdningarmikið.


Tað er týdningarmikið og týdningarleyst og tessvegna týdningarmikið at kenna til sjómansmytuna um súlukongin, og óteljandi aðrar sagnir um súlukongin, at kenna teir nógvu týdningar, hansara navn hevur, flúgvimynstrini og beinbygnaðin fyri at kunna skapa ein súlukong í glasi, sum ikki er ein súlukongur, men ein formur, sum hevur eina serliga megi og eina serliga skroypiligheit, eina serliga tyngd og ein serligan lættleika. Soleiðis er tað kanska. Eg veit tað ikki. Tað ger Tróndur.


Góði Tróndur Bara tú veitst hvat er týdningarmikið í skapanini av listini. Men eg veit at tíni listaverk eru týdningarmikil. Tey eru sublim og stórsligin og upplivingin av teimum er altíð vøkur og taka ein á bóli.
Eg eri djúpt takksom fyri at hava lært teg at kenna og eg eri djúpt takksom fyri at kenna tína list.
Hjartaliga til lukku.

Inger Smærup Sørensen

Peter Callesen í Steinprenti

52608961_825077974497209_7357251339933450240_n.jpg

Í gjár læt framsýningin Lítlum báti rekist eg á upp í Steinprenti, ein sermerkt framsýning, har pappírið verður brúkt á øðrvísi hátt enn vit eru von við. Í upplatingarrøðuni segði Jan Andersson, at tey sama dagin vóru liðug við eitt verk, sum tøkniliga breyt við tað, tey vanliga gera í Steinprenti og sum verkstaðurin og gallaríið eita eftir. Peter Callesen er pappírlistamaður ella pappírillusionistur, hvørs verk transcendera pappírið og gerast eggjaskal, fjaðrar, ísflakar og annað skroypiligt, sum minnir okkum á, at lívið er stutt og deyðin er ævigur. Listamaðurin greiddi sjálvur frá verkunum á framsýningini. Tað seinasta verkið er so mikið feskt, at tað hevur ikki fingið nakað heiti. Tað er eitt kombinerað steinprent/klipp/objekt, har bæði bakgrund og ramma eru týdningarmiklir partar av verkinum, sum ímyndar ein bjargamann ella ein mann við reipi, sum sær út til at halda sær sjálvum. Framsýningin er at síggja í Steinprenti til og við 23.mars.

52553584_675361172880305_3417440739385147392_n.jpg
53196697_2324033031174653_251441442935799808_n.jpg
IMG_8535.jpeg
52608711_464197857451251_6678531887373221888_n.jpg
Time is Running.jpg
IMG_8539.jpeg
53142164_239124833707189_9018081117026123776_n.jpg