Standmyndirnar mótmæla

Um allan vesturheimin tekur ein listarlig herbúgving seg upp móti samfelagsgongdini - móti Donald Trump í USA og høgrarákinum í fleiri londum í Evropa. Í Danmark er ein rúgva av standmyndum í nátt latin í svartar posar sum partur av eini aktión, ið skal gera vart við vaksandi fátækradømið. Eisini list hjá føroyska listamanninum Hans Paula Olsen er involverað í hesum listaverkfallinum.

Í Helsingør er standmyndabólkurin hjá Hans Paula Olsen av arbeiðarum latin í svart, standmyndirnar eru farnar í verkfall verður sagt "Vit standmyndir eru illar. Vit síggja politikarar, sum seta reformar í gongd, ið gera menniskju fátøk. Vit síggja fleiri og fleiri heimleys leggja seg í skjól undir okkum í royndini at verja seg móti vindi og veðri”.

Í New York í The Knockdown Center sýna 700 kvinnur fram list á framsýningini Nasty Woman. Heitið kemur frá amerikanska valinum og er ein orðing hjá Donald Trump, sum breyt mótkandidatin Hillary Clinton av, tá hann segði ”Such a nasty woman!”. Við framsýningini mótmæla listakvinnurnar kvinnukúgandi hugburðin hjá Trump og tað verður gjørt við bæði speisemi og humor sum í verkinum hjá Debra Broz: Pussies grabbing back.

 Foto Debra Broz/ Politiken Debra Broz: Pussies grabbing back http://politiken.dk/kultur/art5798562/Kvindelige-kunstnere-giver-Trump-fingeren

Foto Debra Broz/ Politiken Debra Broz: Pussies grabbing back http://politiken.dk/kultur/art5798562/Kvindelige-kunstnere-giver-Trump-fingeren